HABIB OMRY
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

HABIB OMRY

كل المواضيع موجودة هنا على منتدانا
 
الرئيسيةالبوابة الرئيسيأحدث الصورالتسجيلدخول

 

 كلمات البوم مجدى سعد ( مهنش عليك )

اذهب الى الأسفل 
كاتب الموضوعرسالة
mohammed sheer
Admin
mohammed sheer


عدد الرسائل : 355
العمر : 34
نقاط : 11914
تاريخ التسجيل : 16/08/2008

كلمات البوم مجدى سعد ( مهنش عليك  ) Empty
مُساهمةموضوع: كلمات البوم مجدى سعد ( مهنش عليك )   كلمات البوم مجدى سعد ( مهنش عليك  ) Icon_minitimeالأحد أغسطس 17, 2008 5:29 am

مهنش عليك

ماهنش عليك بعد ما جرحتنى
تجيلى وتودنى وترحمنى من العذاب
ماهنش عليك ما صدقت وسيبتنى
وقال جاى بتحبنى راجع كمان كداب

وانت كمان هنت عليا زى ماهنت عليك
انا لا انا ليك ولا انت ليا مدام متمرش فيك

زمان زمان ايوة زمان جيتلك وانا شارى وعملت مش دارى وقلبى ولا رضيت يوم تسمعلة
خلاص ايوة خلاص راجع بعد اية بتندم عايز اية قلبك مفيش حاجة تشفعلة

بعد ما كان حبك كل حاجة معتش فى قلبى حاجة من الحب بتاع زمان
انسانى خلاص كل اللى بيننا انتهى كلمة وزمان قلتها خاين ملكش امان




الله يرضى عليك

يا حبيبى الله يرضى عليك متبصليش كده كده بعينيك
لأ كفاية لا الحكاية تبقى جد وأدوب فى إيديك
عمال بتعملى فى حوارات اشمعنى طب أنا أنا بالذات
كنت فينك رمش عينك خلى قلبى يقول فى آهات

دوبت فيك من غير تفكير أصلك أنت عليك تأثير
عمر قلبى ما حسه فى يوم
طب هروح أنا منك فين أنت بس طلعت منين
شوفتك أنت خاصمنى النوم
أنا كنت مالى ما كنت فى حالى وكنت عايش والسلام
كان لازم يعنى يشوفك قلبى ويغرق فى الغرام
ده مخدتش يانى فى إيده ثوانى قلبك ندانى
بصيت لقيتنى بروحله أوام

يا حبيبى أنا مش قد هواك وبنظره خدت القلب معاك
ده نصيبه لو تسيبه هتلاقيه جه جرى وراك
أعقل بقى وربنا يهديك خليتنى ليه أتعلق بيك
مش سايبنى ليه تاعبنى لأ بجد إحترت أنا فيك




دايما فى سيرتك

دايما فى سيرتك معرفش ليه خلتنى افكر بس فيك
ولو غبت عنى قلبى بشوقو ولهفتو يسأل عليك
صدقنى حبك غيرلى عمرى ودنيتى انا روح فيك

انا ليه بسأل عليك لما بتغيب عليا
مشتاق يا حبيبى ليك وانت كل اللى ليا
ارجعلى انا روحى فيك ماتهونش فى يوم عليا

هفضل بحبك ولحد اخر يوم فى عمرى هعيشه ليك
ما انت حبيبى وكل يوم بيفوت عليا بموت عليك
ارجع عشانى دا انا كل حاجه حبيبى فيا بتناديك




تضحك على مين

تضحك على مين طب حتى دة عيب تعمل مسكين تعمل حبيب
واهى مرة تصيب والتانيه تخيب واهى ماشيه معاك
اطلع من دول غدرك فى عينيك ريحنى وقول اعمل ايه فيك
فهمك وقاريك حافظ لياليك طب ايه اللى رمالك

دى قديمه وروح العب غيرها وياريت ماتجيش
احسنلك شوف واحد غيرى على قلبو تعيش
علمت عليك وخلاص سبتك وكسبت كتير لما خسرتك
عرفتك والله على حقيقتك من نظرة عين

بتلف كتير كدا ليه وتدور وملكش كبير عايش فى الدور
على طول مغرور وانا بقى معزرو لما انسا هواك
قلبك غدار وعايشها جنان العب بالنار وعاندنى كمان
وفى اى مكان وفى اى زمان انا بتحداك




كدب فى كدب

تصدق ان انا فرحان دلوقتى بس علشان فارقتك
هم على قلبى وانزاح لما روحت بعيد وسبتك
جت سليمه كان قلبى منى هبروح بلاش
مات فى قربك واهو بعد منك رجع وعاش

حبك ليا كدب فى كدب قلبك مبيعرفش يحب
حاولت كتير معرفتش اصدقه
دقت فى حبك طعم المر وهموت منك ناقص عمر
عمرى الجاى يادوبك هلحقه
قلبك دا ايه صبرك عليه من وهمو لازم افوقه

تصور ان انا حسيت دلوقتى بس خلاص بقميتك
انت ولا حاجه وسنين عشت مش عارف حقيقتك
انت واحد كان كل همه يجرح يخون
عايش حياته ميت الف وش ليه وميت الف لون




ليه بتعمل كده

ليه بتعمل كده وكل حاجه عملها ليه مشكله الحب عمره ما كان بالشكل دا
مش كله عند وتقل عليا
لا مش معقوله تعبت انا من حركاتك دولا دا شغل ناس كده لسه فى سنه اوله
انا نفسى تكبر بس شويه

حب ايه يابنى قولى ايه نابنى دا انت كدا لا والله بتهرج
عشها قضيها ولا ليك فيها دا انت اخرك يا دوب تتفرج

ايوا خلاص كده جبت اخرى معاك وغلبت انا دا انت عايزلك يجى مليون سنه
علشان تفهم ايه الحكايه
روحى بقت هنا مش شايف انك كدا زودتها وجيت عليا كتير وعشتها
اصلك واخدلى التقل هوايا




طول ماانت معايا

طول ماانت معايا مبقتش خلاص محتاج ولا حاجه من الدنيا دى
ولقيتنى بعيش احساس مش عادى ملوهش نهايه
وحبك عمال يكبر جوايا فى كل يوم

احلام انا شفتها صدقتها وانا بين ايديك لمستها
ومعاك خلاص بقيت حقيقه بحسها
والدنيا دى عشتها وعرفتها يا حبيبى بيك من وقتها
عيشها ليك ولا عمرى مرة حسبتها

بسرح بخيالى وبروح لبعيد والقانى فى حضنك طول لياليا
بسهر لعينك وبطول بعينيا القمر العالى
يا حبيبى هواك بقى بالنسبالى بجد حياة




ما تعملش حسابى

ما تعملش حسابى وياك هنا يا حبيبى
انا راضى بعذابى وخلاص كده يا حبيبى

ما انا همشى لواحدى ورايا فراق وليالى وويل مستنينى
ياحبيبى سلام مش لاقى كلام والله دا بعدك على عينى

الدنيا ليه مش عايزانا ليه نكمل حياتنا سوا
واى ذكرا لهوانا فى بعدنا خليها دوا




بنت الجيران

انا زى اى حد حبيت من قلبى بجد
انا زى اى انسان اول حب ليا واخر حب ليا مع بنت الجيران

اتربى قلبى على ايديها وشوفت الغدر فى عينها
وانا عارف انى هضيع وهيجى يوم وتبيع
وبإديها تكسر قلبى وتخسر حبى وخوفى عليها
انا كنت ليها ولا حاجه وكانت عندى كل حاجه
ساكنه وبس جمبى ساكنه فى حضن قلبى
وكان الغياب اكبر عذاب وكأن مابينا حاجه

كان فيكى ايه يتحب طب قولتى ايه يتصدق
بصراحه انا مش فاكرلك غير جرح علم فيا
ودموع ملازمه عينيا خلتنى خلاص كرهتك
على جرحى ربى مصبرنى عايش وربى مقدرنى
انا فيا اللى مكفينى ومفيش دموع ترضينى
الله يسامحك ياللى جرحك فى قلبى لسه واجعنى

وتفوت سنين وانا مسلم تعذب وابكى واتألم
اتارينى كنت تسليه وانا فاكر انك ليا
وتفوت القصه زى الحصه وتلميذ انا بيتعلم




وحشتنا

احنا ليه معشناش مع بعضنا طول عمرنا وانت تضمنا وحشتنا وحشتنا
ليه سبتنا تعبت قلبنا اه بس رجعلنا يا عمرنا وحشتنا

سايبنا قولى يا روحى بس لمين عارفنا بعد غيباك مشتاقين
والله وحشتنا وغبت عننا من غير ما تقول لينا ياعمرنا وحشتنا

انت لسه ياحبيبى كأنك هنا وكأنك لسه عايش فى حضننا
والله وحشتنا وغبت عننا من غير ما تقولنا ياعمرنا وحشتنا




يرضيك

يرضيك ابقى دايخ وانت بعيد كدا عنى ناسينى
حبيبى ليه مش حاسس بحنينى

وانت بتدارى حبك عليا ليه قولى كان قلبى بس عملك ايه
سنين بحبك انت بعدك انت هعيش لمين

والله ما عارف انسا وانت ازاى قادر على بعدك
تعالى حرام ماليش فى الدنيا بعدك
مفيش كلام اقوله اوصفلك بيه حالى
كفايه عليا حبيبى اللى فى بعدك جرالى
الرجوع الى أعلى الصفحة اذهب الى الأسفل
https://habibomry.ahlamontada.net
 
كلمات البوم مجدى سعد ( مهنش عليك )
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
HABIB OMRY :: منتدى الأغانى :: كلمات الاغانى-
انتقل الى: